கேரளாவுக்கு 55லட்சம் வழங்கியது தமிழ் நாடு கிளை

மழை_வெள்ளத்தால் பாதிக்கப்பட்ட
கேரள_மக்களுக்கு
இந்திய_யூனியன்_முஸ்லிம்_லீக் தமிழ்நாடு_கிளை
ரூ_55_லட்சம்_வழங்கியது

தேசிய தலைவர் பேராசிரியர் கே.எம். காதர் மொகிதீன் ஹைதர் அலி ஷிஹாப் தங்ஙளிடம் நேரில் வழங்கினார்

ஆகஸ்ட் முதல் வாரதத்தில் கேரள மாநிலத்தில் ஏற்பட்ட கடும் மழை வெள்ளத்தால்  400 க்கும் மேற்பட்டோர் உயிரிழ ந்தனர். பல்லாயிரம் மக்கள் உடல்நலம் பாதிக்கப்பட்டனர். பல்லாயிரம்கோடி மதிப்பிலான பொருட்கள் சேதமடைந்து கேரள மக்கள் சொல்லெனா துயரத்திற்கு ஆளாகினர்.

கேரள மக்களின் புனரமைப்பு பணிகளில் இந்திய யூனியன் முஸ்லிம் லீக் சார்பில் 15 ஆயிரம் வெள்ளுடை தொண்ட ர்கள் (ஒயிட் கார்டு) புனரமைப்பு பணிகளில் முழுமையாக ஈடுபடுத்தப்பட்டனர்

இந்திய யூனியன் முஸ்லிம் லீகின் தமிழ்நாடு மாநில கிளையின் சார்பில் நீலகிரி, திருநெல்வேலி மேற்கு, தூத்துக்குடி, வட சென்னை, மத்திய சென்னை ,ஈரோடு, திருப்பூர், கோயம்புத்தூர், கரூர் உள்ளிட்ட மாவட்டங்களிலிருந்து ரூ. 75 லட்சம் மதிப்பிலான உணவுப் பொருட்கள், துணி மணிகள், அத்தியாவசிய சமையல் சாதனங்கள், கேரளாவில் பாதிக்கப்பட்ட மக்களுக்கு நேரடியாக மாநில நிர்வாகிகள் சென்று வழங்கினர்.

இந்திய யூனியன் முஸ்லிம் லீக் தமிழ்நாடு ரிலிப் பண்ட் மூலம் தமிழ்நாட்டின் அனைத்து மாவட்டங்களிலும் நகர, பிரைமரி, கிளைகள், அணிகளின் சார்பில், ஜும்ஆ ஈத் பெருநாள் தொழுகை களிலும், அனைத்து வீதிகளிலும் முஸ்லிம் லீகின் தொண்டர்கள் துண்டேந்தி ரூ. 55 லட்சம் நிதி திரட்டினர்.  

இந்த நிதியை  இன்று (11.09.2018) இந்திய யூனியன் முஸ்லிம் லீக் தேசிய தலைவர் பேராசிரியர் கே.எம். காதர் மொகிதீன் அவர்கள் கேரளா பானக்காடு சென்று கேரள மாநில தலைவர் செய்யது ஹைதர் அலி ஷிஹாப் தங்ஙளிடத்தில் நேரில் வழங்கினார்.

தேசிய பொதுச்செயலாளர் பி.கே.குஞ்ஞாலிக்குட்டி எம்.பி.,  மலப்புரம் மாவட்ட தலைவர் செய்யது சாதிக் அலி ஷிஹாப் தங்ஙள், கேரள மாநில பொதுச்செயலாளர் கே.பி.ஏ. மஜீத், தமிழ்நாடு மாநில பொதுச்செயலாளர் கே.ஏ.எம். முஹம்மது அபூபக்கர் எம்.எல்.ஏ., தேசிய செயலாளர்கள் இ.டி. முஹம்மது பஷீர் எம்.பி., அப்துஸ் ஸமது சமதானி,  தமிழ்நாடு மாநில பொருளாளர் எம்.எஸ்.ஏ. ஷாஜகான்,  யூத் லீக் தேசிய பொதுச்செயலாளர் சி.கே. முஹம்மது ஜுபைர்,  கேரள மாநில செயலாளர் பி.எம்.ஏ. சலாம், மாநில செயலாளர் கே.எம். நிஜாமுதீன், மாநில துணைச்செயலாளர் எஸ்.ஏ. இப்ராஹிம் மக்கி, கே.எம்.சி.சி. தமிழ்நாடு தலைவர் குஞ்சுமோன் ஹாஜி, எம்.எஸ்.எப். தேசிய பொதுச்செயலாளர் எஸ்.எச். முஹம்மது அர்ஷத்,  தூத்துக்குடி மாவட்ட செயலாளர் எஸ்.ஜே. மஹ்மூதுல் ஹஸன் உள்ளிட்டோர் உடனிருந்தனர்.

தமிழ்நாடு மாநில கிளையின் சார்பில் மழை வெள்ளத்தால் பாதிக்கப்பட்ட கேரள மக்களின் புனரமைப்பு பணிகளுக்கு வழங்கப்பட்ட நிதி, உதவிகளுக்கு கேரள தலைவர் ஹைதர் அலி ஷிஹாப் தங்ஙள் மனமார்ந்த நன்றியினை தெரிவித்து கொண்டு மனமுருகி தமிழக மக்களுக்காக துஆ செயதார்