சென்னையில் இந்தியா-வெஸ்ட் இண்டீஸ் 5-வது ஒருநாள் போட்டி டிக்கெட் விற்பனை விறு,விறு..

 இந்தியா, வெஸ்ட் இண்டீஸ் அணிகள் மோதும் 5-வது ஒருநாள் போட்டி, சென்னை சேப்பாக்கம் மைதானத்தில் வரும் 11-ம் தேதி நடக்கிறது. இதற்கான டிக்கெட் விற்பனை இன்று காலை தொடங்கியது.இந்தியாவில் சுற்றுப்பயணம் மேற்கொண்டுள்ள வெஸ்ட் இண்டீஸ் கிரிக்கெட் அணி, 5 போட்டிகள் கொண்ட ஒருநாள் தொடரில் விளையாடி வருகிறது.5-வது மற்றும் கடைசி போட்டி சென்னை சேப்பாக்கம் எம்.ஏ.சிதம்பரம் ஸ்டேடியத்தில் வரும் 11-ம் தேதி நடக்கிறது.இந்த போட்டிக்கான டிக்கெட் விற்பனை, சேப்பாக்கம் மைதானத்தில் இன்று காலை தொடங்கியது. சமீபகாலமாக இந்தியா அபாரமாக ஆடி வருகிறது.இதனால், சென்னை போட்டியை காண ரசிகர்களிடையே ஆர்வம் அதிகரித்துள்ளது.இதன் காரணமாக நள்ளிரவில் இருந்தே டிக்கெட் வாங்குவதற்காக ஏராளமானோர் நீண்ட வரிசையில் காத்திருந்தனர்.குறைந்தபட்ச டிக்கெட் ரூ.300, அதிகபட்ச விலை ரூ.8000. காலை 9.30 மணிக்கு கவுன்டர் திறந்தவுடன் ரசிகர்கள் முண்டியடித்து டிக்கெட் வாங்கினர்.ரூ.300 டிக்கெட் கவுன்டரில்தான் கூட்டம் அலைமோதியது குறிப்பிடத்தக்கது.