இலங்கை கிரிக்கெட் அணி வீரர்களுக்குள் மோதலா?

ஆஸ்திரேலியாவில் நடைபெற்று முடிந்த முத்தரப்பு கிரிக்கெட் போட்டியில் இறுதிப் போட்டியில் இலங்கை அணி ஆஸ்திரேலியாவிடம் 16 ரன்கள் வித்தியாசத்தில் பரிதாபமாக தோற்றது.இந்த தோல்வியையடுத்து இலங்கை அணி வீரர்களுக்குள் கருத்து மோதல்கள் எழுந்துள்ளதாக கூறப்படுகிறது.

போட்டி முடிந்த பின்னர் இலங்கை அணி கேப்டன் ஜெயவர்தனே நிருபர்களுக்கு பேட்டியளித்தார்.அதில் ஜெயவர்தனே கூறியதாவது,நாங்கள் இந்த இறுதிப் போட்டியில் சிறப்பாக தான் விளையாடினோம்.பவுலர்களும் நன்றாக தான் பந்து வீசினார்கள்.அணியின் பீல்டிங் சற்று தடுமாற்றமாகவே இருந்தது.

232 ரன்கள் எடுத்து  இந்தப் போட்டியில் எளிதாக வென்று விடலாம் என்று நினைத்தேன் அனால் மெக்கே சிறப்பாக பந்து வீசி எங்களது வீரர்களை நிலைகுலைய செய்து விட்டார்.
இந்த தோல்விக்கு தனிப்பட்ட வீரர் யாரும் காரணமல்ல.இந்த தோல்வியால் வீரர்களுக்குள் எந்த கருத்து மோதல்களும் இல்லை.

அடுத்து நடைபெற இருக்கும் ஆசிய கோப்பை கிரிக்கெட் போட்டியில் முழு கவனம் செலுத்தி கோப்பையை வெல்வோம் என்றார்.